Shoqata e mërgimtarëve të Fshatit Ladorisht në Zvicër

Nën emrin Shoqata e mërgimtarëve të fsh. Ladorisht në Zvicër janë bashkuar mërgimtarët e fsh. Ladorisht të cilët jetojnë dhe punojnë në Zvicër.

Shoqata në vitin 1997 pësoi një riorganizim dhe fal punës së pa lodhur të anëtarëve të kryesisë që kanë punuar në këto vite, si dhe duke falenderuar kontributin e bashkfshatarëve shoqata nga viti në vit veprimtarin dhe aktivitetet e veta i ka orientuar në interes të bashkfshatarëve dhe gjeneratave të reja që vin pas.

Nëpermjet këtyre aktiviteteve shoqata ka për qëllim ta ruaj kulturën, traditën, folklorin, humanizmin, dashurin ndaj vendlindjes, respektin ndaj njëri tjetrit dhe të gjitha këto ti përcjelli te gjeneratat e reja nga se e ardhmja e fëmijve tonë do të jetë e dhimbshme.

Bashkfshatarët tonë në mërgim edhe më herët kanë bërë organizime të mirfillta në interes të fshatit atë kohë është vepruar në emrin " Këshilli i fshatit Ladorisht në Zvicër " nëpërmjet të cilit bashkfshatarët kanë grumbulluar të mira materiale për ta ndihmuar fshatin sipas nevojës.

Si shembull i atyre organizimeve vlen të përmendet ndërtimi i shkollës fillore "Ashim Agushi" në Ladorisht e cila u ndërtua nga vet kontributi i gurbetqarëve Ladorishtarë.